बाढी प्रभावित क्षेत्रमा फोटो र भिडियो खिच्न नजानु : प्रहरी

गत बुधबार भोटेकोशी नदीमा आएको बाढीका कारण रसुवा, नुवाकोट, धादिङ, चितवन, तनहुँ, पूर्वी नवलपरासी लगायतका जिल्लाका नदी किनार आसपासका बस्तीमा जोखिम अब पनि कायमै रहेको नेपाल प्रहरीले जनाएको छ।

बाढी प्रभावित क्षेत्रमा सुरक्षाकर्मी, स्वास्थ्यकर्मी तथा अत्यावश्यक सेवामा खटिएका कर्मचारी उद्धार र राहतका काममा निरन्तर जुटिरहेका छन्। तर, अनावश्यक रूपमा प्रभावित क्षेत्रमा जाने, फोटो तथा भिडियो खिच्ने र आफ्ना सामान खोज्ने व्यक्तिका कारण उद्धारमा खटिएका टोलीलाई काम गर्न कठिन भइरहेको प्रहरीले बताएको छ।