नेतृत्व चयनका लागि हुने अखिल क्रान्तिकारीको निर्वाचन सर्‍यो

काठमाडौँ । ३२ वर्षमुनिबाट नेतृत्व चयन गर्नका लागि हुने अखिल क्रान्तिकारीको निर्वाचन अब माघ १२ गतेमात्रै हुने भएको छ । यसअघि पुस १७ गते निर्वाचन हुने भनिएकामा केन्द्रीय निर्वाचन समितिले मतदान हुने मिति सार्ने निर्णय गरेको हो।

‘निर्वाचनको कार्यक्रम २०८१ पौष १५ गते मनोनयन दर्ता गर्ने गरी कार्यतालिका सार्वजनिक गरिएकोमा विशेष कारणबस उक्त कार्य तालिका संशोधन गरी निर्वाचन समितिको आज बसेको बैठकको निर्णय अनुसार आगामी २०८१ माघ ५ गते उम्मेदवारको मनोनयन दर्ता गर्ने प्रक्रिया सुरु गरी मतदान कार्य आगामी २०८१ माघ १२ गते शनिवारका लागि तोकिएको छ,’ प्रमुख निर्वाचन अधिकृत मुक्तिनारायण प्रधानले जारी गरेको सूचनामा उल्लेख छ ।