फगुर्सनको दुर्लभ रेकर्ड : ४–४–०–३

काठमाडौँ । ४–४–०–३ । यो लोकी फर्गुसनले पपुवा न्युगिनीविरुद्धको खेलमा बलिङमा बनाएको तथ्याङ्क हो । योसँगै न्युजिल्यान्डका तीव्र गतिका बलर टी–२० अन्तर्राष्ट्रियमा ४ ओभरको स्पेल मेडेन फाल्ने मात्र दोस्रो खेलाडी बनेका छन् । टी–२० विश्वकपमा यस्तो उपलब्धि हासिल गर्ने उनी पहिलो हुन् ।

सोमबार पपुवा न्युगिनीविरुद्ध समूह चरणको अन्तिम खेलमा चार ओभर बलिङ गर्दै उनले ४ वटै ओभर मेडेन (एक पनि रन नदिई) ३ विकेट हात पारे । खेलमा पहिले बलिङ गरेको न्युजिल्यान्डले पपुवा न्युगिनीलाई १९.४ ओभरमा ७८ रनमा सीमित गर्न सफल भएको थियो ।