विश्वकप मैदानमा राजनीतिक ब्यानर प्रदर्शन: अर्जेन्टिनी खेलाडीमाथि अनुसन्धान गर्न बेलायतको माग

अर्जेन्टिनाले विश्वकप सेमिफाइनलमा इङ्ल्यान्डलाई २–१ ले पराजित गरेपछि खेल मैदानमा राजनीतिक ब्यानर प्रदर्शन गर्दा विवाद चर्किएको छ। खेलाडीहरूले ‘लास माल्भिनास सोन अर्जेन्टिनास’ (फकल्याण्ड टापु अर्जेन्टिनाकै हो) लेखिएको ब्यानर देखाएपछि बेलायतले फिफासँग त्यस घटनाको अनुसन्धान गर्न माग गरेको हो। बेलायती प्रधानमन्त्री किअर स्टार्मरको कार्यालय डाउनिङ स्ट्रिटले व्यापारमन्त्री पिटर काइलको यो मागलाई पूर्ण समर्थन गरेको छ।

व्यापारमन्त्री काइलले उक्त ब्यानर प्रदर्शनलाई फिफाका नियमको गम्भीर उल्लङ्घन भएको बताएका छन्। फिफाको नियमअनुसार खेल मैदानमा कुनै पनि राजनीतिक सन्देश वा प्रतीक प्रदर्शन गर्न पाइँदैन। डाउनिङ स्ट्रिटका प्रवक्ताले ‘विश्वकप हाम्रो नहोला, तर फकल्याण्ड टापु निश्चित रूपमा हाम्रो हो’ भन्दै कडा प्रतिक्रिया दिएका छन्।