मध्यपहाडी लोकमार्ग खुलाउने प्रयास जारी, यात्रुलाई धैर्य गर्न आग्रह

काठमाडौँ । मध्यपहाडी लोकमार्ग सडकखण्ड अन्तर्गत खोटाङको दिक्तेल रूपाकोट मझुवागढी नगरपालिका–८ बुवालुङस्थित पङ्खुखोला र आसपासको सडक बाढीले बगाएपछि यातायात सेवा पूर्ण रूपमा अवरुद्ध भएको छ । शुक्रबार साँझ परेको भारी वर्षासँगै आएको भीषण बाढीले सडक बगाएपछि यो सडकखण्ड भएर चल्ने यातायातका साधनहरू ठप्प भएका हुन् ।

सडक अवरुद्ध भएसँगै भोजपुरबाट काठमाडौँतर्फ जाँदै गरेका र काठमाडौँबाट भोजपुरतर्फ आउँदै गरेका बस, सुमो तथा मोटरसाइकलका यात्रीहरू बीच बाटोमै अलपत्र परेका छन् ।