रोचक बन्दै इटालियन सिरी’ए, एटलान्टा र नापोलीको अंक बराबरी

काठमाडौं । इटालियन सिरी’एमा नापोलीले शीर्ष स्थानको एटलान्टासँग अंक बराबरी गरेको छ । आइतबार राती भएको खेलमा भेनेजियालाई १-० ले हराउँदै नापोलीले शीर्ष स्थानको एटलान्टासँग अंक बराबरी गरेको हो । यो सँगै सिरी’ए रोचक बन्दै गएको छ ।

अंक बराबरी भए पनि गोल अन्तरका आधारमा नापोली एक स्थान पछि छ । शीर्ष स्थानको एटलान्टाको गोल अन्तर २३ हुँदा नापोलीको १५ छ । गोल अन्तरका आधारमा समान ४१ अंक भए पनि एटलान्टा पहिलो र नापोली दोस्रो स्थानमा छन् । ४० अंक जोडेको इन्टर मिलान तेस्रो स्थानमा छ ।