अप्रिलमा छैटौं बिम्स्टेक सम्मेलन गराउने थाइल्यान्डको प्रस्ताव

काठमाडौं । बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक)को छैटौं बैठक अप्रिलमा गर्न प्रस्ताव गरिएको छ । गत ४ पुसमा बसेको २४औं बिम्स्टेकका उच्च अधिकारीहरूले बैठकमा आयोजक राष्ट्र थाइल्यान्डले अप्रिलमा बिम्स्टेक सम्मेलन गर्ने प्रस्ताव गरेको हो ।

थाइल्यान्डले अध्यक्षता गरेको उच्च अधिकारीहरूको भर्चुअल बैठकपछि थाइल्यान्डको विदेश मन्त्रालयले जारी गरेको विज्ञप्तिअनुसार सन् २०२५ मा छैटौं बिम्स्टेक शिखर सम्मेलन गर्ने प्रस्ताव गरिएको छ ।