रतुवा पुलको रहस्यमय शव प्रकरण : घरबाट प्रेमी भेट्न निस्किएकी रमा बोराभित्र मृत फेला

काठमाडौँ । गत जेठ १५ गते गौरादह र दमकको सीमास्थित रतुवा खोलाको पुलमुनि बोराभित्र प्याक गरिएको अवस्थामा फेला परेको युवतीको शव दमक नगरपालिका–८ बसन्त टोल निवासी २१ वर्षीया रोमा भनिने रमा तिवारीको रहेको पुष्टि भएको छ। शवको पहिचान भएसँगै यो रहस्यमय घटनाका नयाँ र गम्भीर तथ्यहरू बाहिर आउन थालेका छन्।

पारिवारिक स्रोतका अनुसार रमा र ती युवकबीच लामो समयदेखि घनिष्ठ प्रेम सम्बन्ध थियो, जसलाई परिवारले समेत स्वीकार गरिसकेको थियो। तर लागुऔषध दुर्व्यसनमा परेका कारण ती युवकलाई परिवारले सुधार केन्द्रमा राखेको थियो र उनीहरूबीच लामो समयदेखि भेटघाट हुन पाएको थिएन।