बेलायतमा कोरोनाबाट थप ५० जनाको मृत्यु, अप्रिलयताकै उच्च

बेलायतमा पछिल्ला केहि दिनयता संक्रमण दरमा भएको बृद्धिसँगै मृत्युदर पनि बढ्न थालेको छ । पछिल्ला दिनहरुमा संक्रमित संख्या दैनिक तीस हजार भन्दा बढी हुँदै आएको छ । संक्रमणदर बढेपनि मृतक संख्या सामान्य रहेपनि मंगलबार मृतक संख्यामा पनि वृद्धि भएको छ ।

‘डिपार्टमेन्ट अफ हेल्थ एण्ड सोशल केयर’ ले मंगलबार सार्वजनिक गरेको तथ्यांक अनुसार गएको २४ घन्टामा थप ५० जना संक्रमितको मृत्यु भएको छ । यो संख्या अप्रिल ९ यताकै सबै भन्दा बढी हो । अघिल्लो दिन ६ जना संक्रमितको मृत्यु भएको थियो । यससँगै बेलायतमा कोरोनाका कारण मृत्यु हुनेको संख्या एक लाख २८ हजार ४८१ पुगेको छ ।