काभ्रेमा बाबुको काजकिरिया गर्दै छोरी

काभ्रेपलान्चोक । काभ्रेपलाञ्चोकको पनौती नगरपालिका–५ धनेश्वरस्थित एक छोरी बाबुको काजकिरियामा बसेकी छिन् । उनका पिता सुन्दर थापाको निधनपछि एकमात्र छोरी समीक्षाले बुबाको काजकिरिया गरिरहेकी हुन् ।

छोरा र छोरी समान हुन् भन्ने सन्देश दिन आफ्नो कर्तव्य सम्झेर बुबाको काजकिरियामा बसेको समीक्षाको भनाइ छ । समीक्षाले बुबाको निधनपछि आफैँ काजकिरियामा सहभागी भएर छोरी पनि आमाबुबाको समान सन्तान हुन् भन्ने व्यावहारिक सन्देश दिएको स्थानीय दीपक थापाले बताए । समीक्षाका बुबाको गत भदौ २८ गते निधन भएको हो ।