ओलीको कदम मधेशमा ब्याकफायर, प्रदेश प्रमुखपछि सभामुख पनि गुमाउदै

एमाले अध्यक्ष केपी शर्मा ओलीको कदम मधेश प्रदेशमा ब्याकफायर भएको छ। आफ्नो पार्टी एमालेको कोटामा प्रदेश प्रमुख बनेकी सुमित्रा सुवेदी भण्डारीलाई प्रयोग गरेर मुख्यमन्त्री लिइएको थियो । तर, यो घटनाले कांग्रेस पनि बिच्किएपछि एमालेले मधेशमा प्रदेश प्रमुख पद मात्र गुमाएको छैन, अब सभामुख पनि गुमाउने निश्चित भएको छ।

२२ कात्तिकमा मुख्यमन्त्री जितेन्द्र सोनलले विश्वासको मत नपाउने भएपछि राजीनामा दिए। यो घटनासम्म कांग्रेस र एमाले साथमै थिए। त्यसअघि यी दुबै दलले कांग्रेसको नेतृत्वमा सरकार बनाउने सहमति गरेका थिए। तर, एमाले एक कदम अगाडि बढेपछि अवस्था विग्रिएको हो।