टिम डेभिड कारवाहीमा, आइपिएलको अर्को सिजनको पहिलो खेल खेल्न नपाउने

काठमाडौँ । रोयल च्यालेन्जर्स बेंगलुरुका ब्याट्सम्यान टिम डेभिडले सिजनको तेस्रो सजाय पाएका कारण इन्डियन प्रिमियर लिग २०२७ को उद्घाटन खेल गुमाउने भएका छन् ।

आइतबार अहमदाबादमा भएको आईपीएल २०२६ को फाइनल खेलका क्रममा गुजरात टाइटन्सको इनिङ्सको १०औँ ओभरमा विकेट पतन भएपछि टिम डेभिडले आइस ब्याग अम्पायर नितिन मेननतर्फ आक्रामक रूपमा फ्याँकेपछि कारवाहीमा परेका हुन् । उनले खेलको आचारसंहिता धारा २.९ उल्लङ्घन गरेको कारण देखाउदै उनलाई उक्त धारा अनुसार खेलका क्रममा कुनै पनि खेलाडीले बल वा पानीको बोतल, वा अन्य सामग्रीलाई अम्पायर, खेलाडी, म्याच रेफ्री वा अन्य व्यक्तितर्फ असुरक्षित वा अनुचित तरिकाले फ्याँक्न नपाइने नियम अनुसार कारवाही गरिएको बताइएको छ ।