फाल्गुनन्द गोल्डकपः सर्वोत्कृष्ट खेलाडी समीरले पाए विद्युतीय स्कुटर

पाँचथर । फिदिममा सम्पन्न एघारौँ फाल्गुनन्द गोल्डकप फुटबल प्रतियोगितामा सर्वोत्कृष्ट खेलाडी बन्दै चर्च ब्वाइज युनाइटेड क्लब काठमाडौंको अग्रपंक्तिका खेलाडी समीर तामाङले विद्युतीय स्कुटर प्राप्त गरेका छन् ।

सोमबार भएको फाइनलको टाइब्रेकरमा चिर प्रतिद्वन्द्वी मछिन्द्रमाथि चर्च ब्वाइजले जित हासिल गरेको हो । फाइनल खेलको अतिरिक्त पाँच मिनेटमा गोल गरेर खेललाई बराबरीमा ल्याउँदै उपाधि पक्का गरेका तामाङले विद्युतीय स्कुटर प्राप्त गरेका हुन् ।