आन्तरिक ऋण परिचालन गर्न १० अर्बको विकास ऋणपत्र बिक्री गर्दै सरकार

सार्वजनिक ऋण व्यवस्थापन कार्यालयले १० अर्ब रुपैयाँ बराबरको ‘११ वर्षे विकास ऋणपत्र–२०९४’ बिक्री गर्ने भएको छ। नेपाल सरकार, अर्थ मन्त्रालयअन्तर्गतको कार्यालयका अनुसार उक्त ऋणपत्र बोलकबोल (अक्सन) प्रक्रियामार्फत बिक्री गरिनेछ।

कार्यालयले जारी गरेको सूचनाअनुसार ऋणपत्रको बोलकबोल जेठ २० गते सञ्चालन हुनेछ भने चैत २१ गते निष्कासन गरिनेछ। इच्छुक लगानीकर्ताले बोलकबोल प्रक्रियामार्फत आवेदन दिन सक्नेछन्। यस ऋणपत्रमा बैंक तथा वित्तीय संस्था, गैर–बैंक वित्तीय संस्था, बीमा कम्पनीका साथै नेपाली नागरिकहरूले पनि लगानी गर्न सक्ने व्यवस्था गरिएको कार्यालयले जनाएको छ।