प्रेरक कथा : सफलता सधैँ तुरुन्तै मिल्दैन, त्यसैले हार नमान्नुहोस्

एक लोककथा अनुसार पुरानो समयको एउटा गाउँको मन्दिरमा ठूलो ढुंगा राखिएको थियो। त्यो ढुंगा वर्षौँदेखि त्यहीँ थियो र कुनै काममा प्रयोग भएको थिएन। एक दिन मन्दिरका पुजारीको मनमा विचार आयो- यस ढुंगालाई कुँदेर भगवान् शिवको सुन्दर मूर्ति बनाइयो भने मन्दिर अझ शोभायमान हुनेछ।

पुजारीले गाउँका एक मूर्तिकारलाई बोलाए र ढुंगाबाट शिवजीको मूर्ति बनाउन जिम्मा दिए। मूर्तिकारले ठूलो उत्साहका साथ काम सुरु गर्‍यो। उसले हथौडा र छिनोले ढुंगामा लगातार प्रहार गरिरह्यो तर ढुंगा अत्यन्तै कडा थियो। धेरै घण्टाको मेहनतपछि पनि ढुंगामा खासै चिरा परेन। एक दिन बित्यो।