एसियाली खेलमा स्वर्णको प्रतीक्षा

एसियाली खेलकुदको २०औं संस्करण शनिबार जापानको नागोया/आइची सहरमा औपचारिक उद्घाटन हुँदै छ। असोज १८ गतेसम्म चल्ने यो संस्करणमा ओलम्पिक तथा विश्व च्याम्पियनसहित एसियाली स्टारहरू प्रतिस्पर्धा गर्दै छन्। एसियाका ४५ देशका करिब ११ हजार खेलाडीबिच जापानमा प्रतिस्पर्धा सुरु भइसकेको छ। ७५ वर्षे इतिहास बोकेको यस संस्करण नेपाल र नेपाली खलाडीका लागि बहुप्रतीक्षित छ।

नेपालले एसियाली खेलकुदमा सहभागिताको सात दशक लामो यात्रा पूरा गर्न लाग्दा अहिलेसम्म स्वर्णसहित दोहोरो अंकमा पदक जित्न सकेको छैन। करिब १८ महिनाको तयारी र मिसन २०२६ अन्तर्गत लामो तयारीसहित यसपल्ट ऐतिहासिक स्वर्णसहित दोहोरो अंकमा पदक ल्याउने विश्वाससाथ नेपाली खेलाडी नागोया/आइची पुगेका छन्। यस अवधिमा नेपाली खेलाडीले तीन रजत र २३ कांस्य गरी २६ पदक जितेका छन्। एसियाको सबैभन्दा ठुलो खेल महोत्सवमा नेपालको स्वर्ण पदकको प्रतीक्षा अझै कायमै छ।