बजेटको चिरफार : मध्यमवर्गलाई राहत, किसान र ग्रामीण अर्थतन्त्र उपेक्षित

विनय मिश्र

सरकारले आर्थिक वर्ष २०८३/८४ का लागि सङ्घीय बजेट जेठ १५ मा प्रस्तुत गरेको छ। अर्थमन्त्री डा. स्वर्णिम वाग्लेले प्रस्तुत गर्नुभएको बजेट अहिले आमचर्चाको विषय हुनु स्वाभाविक नै हो। गएको एक दशकमा सम्भवतः यत्तिको संरचनागत सुधार र बजारमैत्री आर्थिक रूपान्तरणको भाष्य बोकेको यो पहिलो बजेट नै होला। विभिन्न किसिमका टिप्पणीबीच बजेटको प्रारूप, क्षेत्रगत प्राथमिकता र उद्देश्यसम्बन्धी अर्थ–राजनीतिक विश्लेषण पनि अपरिहार्य नै हुन्छ।