म्यान्चेस्टर युनाइटेडको ऐतिहासिक बेइज्जत, १९६२ पछि ओल्ड ट्राफोर्डमा लगातार तेस्रो हार

काठमाडौं । इंग्लिश प्रिमियर लिगमा म्यान्चेस्टर युनाइटेडले फेरि खराब लय पक्डिएको छ । सोमबार राती भएको खेलमा म्यानयु घरेलु मैदानमै न्यूक्यासल युनाइटेडसँग २-० ले हारेको हो । गएको शुक्रबार राती भएको खेलमा समेत म्यानयु वुल्भ्सँग २-० ले नै हारेको थियो ।

न्यूक्यासलले १९७२ पछि ओल्ड ट्राफोडमा म्यान्चेस्टर युनाइटेडलाई दोस्रो पटक हराएको छ । म्यानयुले ६० वर्षपछि पहिलो पटक सबै प्रतियोगितामा घरेलु मैदानमा लगातर तेस्रो हारको चोट सहनु परेको छ । १९६२/६३ को सिजनपछि म्यान्चेस्टर युनाइटेडले कुनै पनि प्रतियोगितामा घरेलु मैदान मै यसरी लगातार तेस्रो हार व्यहोरेको रेकर्ड थिएन ।