एन्टी–डोपिङ संहिता उल्लंघन गरेपछि पाकिस्तानका अलराउन्डर नवाज निलम्बनमा

१ साउन, काठमाडौं । पाकिस्तानका अलराउन्डर मोहम्मद नवाजलाई अन्तर्राष्ट्रिय क्रिकेट परिषद् (आईसीसी) को एन्टी–डोपिङ संहिता उल्लंघन गरेको ठहर गर्दै कारबाही गरिएको छ ।

३२ वर्षीय नवाजले सन् २०२६ को टी–२० विश्वकपका क्रममा नेदरल्यान्ड्सविरुद्ध श्रीलंकाको कोलम्बोमा भएको खेलपछि गरिएको डोपिङ परीक्षणमा ‘कार्बोक्सी–टीएचसी’ नामक प्रतिबन्धित पदार्थका लागि पोजेटिभ नतिजा दिएका थिए । यो पदार्थ आईसीसीको एन्टी–डोपिङ संहिताअन्तर्गत ‘सब्स्ट्यान्स अफ एब्युज’ को सूचीमा पर्छ ।