साविक उपविजेता क्रोएसियाले सर्वाधिक विजेता ब्राजिललाई रोक्ला ?

काठमाडाैँ । विश्वकप फुटबलमा आजदेखि क्वार्टरफाइनलका खेल सुरु हुँदैछन् । आज हुने पहिलो खेलमा ब्राजिल र क्रोएसिया भिड्दैछन् । ब्राजिल विश्वकपको सर्वाधिक विजेता हो भने क्रोएसिया साविक उपविजेता हो । क्रोएसियाले अहिलेसम्म विश्वकप जित्न सकेको छैन । तर गएको विश्वकपमा पहिलो पटक विश्वकपको फाइनलमा पुगेको थियो ।

ब्राजिल २० वर्षपछि दक्षिण अमेरिकामा उपाधि फर्काउने दाउमा छ । २००२ मा पछिल्लो पटक ब्राजिलले उपाधि जितेको थियो । त्यसयताका सबै विश्वकपमा क्वार्टरफाइनलमा पुगेको ब्राजिल यसपटक क्रोएसियालाई पन्छाउँदै छैटौं पटक उपाधि उचाल्ने दाउमा हुनेछ ।