मिटरब्याज पीडितसँग सरकारले गर्‍यो सात बुँदे सहमति

आन्दोलनरत मिटरब्याज पीडित र सरकारबीचको वार्ता सहमतिमा पुगेको छ। दुवै पक्षबीच भएको सहमतिलाई औपचारिकता दिँदै केहीबेरमै ७ बुँदे सम्झौतापत्रमा हस्ताक्षर गर्ने तयारी भइरहेको वार्तामा सहभागी स्रोतले जनाएको छ।

सिमरामा सरकारी टोली र पीडित पक्षबीच भएको मौखिक सहमतिलाई लिखित रूप दिन आज बिहानदेखि प्रधानमन्त्री तथा मन्त्रिपरिषद्को कार्यालयमा वार्ता जारी थियो। हिजो भएको छलफलका आधारमा आज अन्तिम सहमति जुटेको जनाइएको छ।