एलन मस्कको स्टारलिंकको नजर नेपाली बजारमा, सञ्चारमन्त्रीसँग माग्यो अनुमति

काठमाडौं । इन्टरनेट सेवा प्रदान गर्ने अन्तर्राष्ट्रिय कम्पनी स्टारलिंकले नेपालमा आफ्नो सेवा सञ्चालन गर्ने प्रयासलाई पुनः तीव्र बनाएको छ । यसैक्रममा कम्पनीकी निर्देशक रेबिका स्लिक हन्टरले सोमबार सूचना तथा सञ्चारमन्त्री डा. विक्रम तिमिल्सिनासँग भेट गरी नेपालमा सेवा विस्तारबारे छलफल गरेकी छन् ।

भेटका क्रममा हन्टरले नेपालमा सञ्चालन अनुमति प्राप्त गर्न कम्पनी इच्छुक रहेको तर केही कानुनी तथा नीतिगत व्यवस्थाका कारण प्रक्रिया अघि बढ्न नसकेको उल्लेख गरिन् ।