अन्योलमा एन्फा, निकासका लागि आग्रह

विश्व फुटबलको सर्वोच्च निकाय फिफाको निलम्बन र सरकारी निर्देशनका कारण पछिल्ला महिना नेपाली फुटबलको प्रशासकीय निकाय अखिल नेपाल फुटबल संघ (एन्फा) को गतिविधि ठप्प छन्।

फुटबलको गतिविधिसँगै एकेडेमीका खेलाडी र एन्फामा कार्यरत करिब २४० कर्मचारी (प्रशिक्षक र प्रशासनिक कर्मचारी) को भविष्य अन्योलमा छ। काठमाडौंमा बिहीबार पत्रकार सम्मेलन आयोजना गर्दै एन्फाले नेपाली फुटबलको निकासका लागि सरकार र सम्बन्धित निकायसँग आग्रह गरेको छ।