कांग्रेसमा संस्थापन र इतरपक्षबिच एकताको पहल

नेपाली कांग्रेसको १५ औँ महाधिवेशनलाई पार्टी एकता र सहकार्यको अवसर बनाउने प्रयास थालिएको छ । सभापति गगनकुमार थापाले पूर्वसभापति शेरबहादुर देउवालाई महाधिवेशन उद्घाटन गर्न आग्रह गर्दै सबै पक्षलाई एकताबद्ध भएर अघि बढ्न आह्वान गर्नुभएको छ ।

बिहीबार पार्टी केन्द्रीय कार्यालय सानेपामा आयोजित केन्द्रीय कार्यसमिति बैठकमा सभापति थापाले असोज १६ गते हुने महाधिवेशन उद्घाटन सत्रमा पूर्वसभापति देउवा सहभागी हुनुपर्ने बताउनुभयो । सभापति थापाले भन्नुभयो, “अधिवेशनको दिनमा पूर्वपार्टी सभापतिले अधिवेशन उद्घाटन गरिदिने कुरा हाम्रा निम्ति सम्मानको विषय हुन्छ ।”