भोटेकोशी बाढीमा बेपत्ताको पहिचान चुनौतीपूर्ण, डीएनए परीक्षणमा साढे दुई महिनासम्म लाग्ने

काठमाडौं । रसुवाको भोटेकोशीमा आएको विनाशकारी बाढीपछि बेपत्ता भएका व्यक्तिको पहिचान गर्न डीएनए परीक्षणलाई मुख्य आधार बनाइएको छ। बाढीमा ६ हजारभन्दा बढी मानिस बेपत्ता भएको उल्लेख छ भने हालसम्म १ हजार ४०३ शव फेला परेको छ।

फेला परेका शवमध्ये १०३ जनाको मात्रै सनाखत गरी आफन्तलाई बुझाइएको छ। पहिचान हुन नसकेका करिब १ हजार ३०० शव गाडिएको छ। कतिपय परिवारले आफन्त जीवित भेटिने आशा छाडेर कुशको शव बनाएर अन्तिम संस्कारसमेत गरिसकेका छन्।