बरन्डाबाट बरन्डामै सरुवा

गृहमन्त्रालयमा लामो समयदेखि जिम्मेवारीविहीन बनाएर राखिएका केही सहसचिवलाई सरकारले अर्को मन्त्रालयमा अतिरिक्त समूहमा सरुवा गरेको छ। अतिरिक्त समूह भनेको जिम्मेवारीविहीन राखिएको अवस्था हो। अतिरिक्त समूहमा सरुवा गरिएको कर्मचारीलाई निजामती सेवामा ‘बरन्डा सरुवा’ भन्ने गरिन्छ। यस्ता कर्मचारीहरूको कार्यकक्ष हुँदैन। कार्यालयमा आउने, हाजिरी गर्ने र बरन्डामा बस्ने काम मात्र भएकाले बरन्डा सरुवा भन्ने गरिएको हो।

गृह मन्त्रालयका सहसचिव भूपेन्द्र थापा चार महिनादेखि जिम्मेवारीविहीन थिए। सरकारले बुधबार उनलाई संघीय भूमि व्यवस्था, सहकारी, संघीय मामिला तथा सामान्य प्रशासन मन्त्रालयमा सरुवा गर्‍यो तर अतिरिक्त समूहमै।