मोहम्मद रिजवानलाई अदालतको झट्का, साइबर अपराध एजेन्सीलाई जवाफ दिन निर्देशन

काठमाडौं । पाकिस्तानका क्रिकेटर मोहम्मद रिजवानलाई लाहोर उच्च अदालतले झट्का दिँदै राष्ट्रिय साइबर क्राइम इन्भेस्टिगेसन एजेन्सी (एनसीसीआईए) विरुद्ध दायर गरेको निवेदन अस्वीकार गरेको छ। अदालतले रिजवानलाई एजेन्सीले जारी गरेको नोटिसको जवाफ दिन र सम्बन्धित निकायसमक्ष आफ्नो पक्ष राख्न निर्देशन दिएको हो।

रिजवानले एनसीसीआईएले आफूलाई अनलाइन बेटिङ तथा जुवासम्बन्धी अनुसन्धानका क्रममा बोलाएको भन्दै त्यसको अधिकार क्षेत्र र अनुसन्धानको आधारमाथि प्रश्न उठाउँदै लाहोर उच्च अदालतमा निवेदन दिएका थिए। उनले आफूविरुद्ध कुन घटनामा र कस्तो भूमिकाका आधारमा अनुसन्धान भइरहेको हो भन्ने स्पष्ट जानकारी नदिइएको दाबी गरेका छन्।