कर्मैया–पिपलमाडी सडक भासिएपछि यातायात ठप्प

महेन्द्र राजमार्गअन्तर्गत सर्लाहीको बागमतीबाट सिन्धुलीको हरिहरपुरगढी गाउँपालिकालाई जोड्ने कर्मैया–पिपलमाडी सडक भासिएर यातायात ठप्प भएपछि स्थानीयवासी समस्यामा परेका छन् ।

मधेश प्रदेशलाई बागमती प्रदेशसँग जोड्ने छोटो दूरीको यो सडकखण्डअन्तर्गत हरिहरपुरगढी गाउँपालिका–६, कौवादहमा सडक भासिएपछि एक सातादेखि यातायात आवागमन ठप्प भएको हो ।