अमेरिकी डलरसहित चिकित्सक पक्राउ

चितवन – गैरकानुनी तवरले अभौतिक मुद्रा क्रिप्टोकरेन्सीको सञ्चय तथा कारोबार एवं डिजिटल माध्यमबाट ठगी गरेको अभियोगमा प्रहरीले २९ वर्षका डा. पप्पुकुमार यादवलाई ३० हजार अमेरिकी डलर र १७ थान मोबाइलसहित पक्राउ गरेको छ ।

जिल्ला प्रहरी कार्यालय चितवनका अनुसार डा. यादव भरतपुर महानगरपालिका १० चित्रसेन टोलको एकघरको कोठा भाडामा लिएर बस्दै आएका थिए । धनुषाको हंशपुर नगरपालिका ४ का स्थायी बसोबासी डा. यादवका बारेमा अनुसन्धान गर्दा अवैध क्रिप्टोकरेन्सीको नेटवर्क चलाउँदै आएको बुझिएको प्रहरीले जनाएको छ ।