बाढी प्रभावित किसानको चिन्ता: सडक अवरुद्ध भएपछि करोडौँको तरकारीले पाएन बजार

रसुवा : नेपाल–चीन सिमानाको लेन्दे खोलाहुँदै भोटेकोसी नदीमा आएको बाढीले सडक सञ्जाल अवरुद्ध पारेपछि आमाछोदिङमो गाउँपालिकाका किसान बजार अभावमा चिन्तित बनेका छन् ।

आमाछोदिङमो गाउँपालिका–३ गतलाङका किसानले गत वर्ष प्रतिपरिवार रु. ५० हजारदेखि रु. ६ लाख ५० हजारसम्म आम्दानी गरेका थिए। गत वर्ष गाउँमा कुल रु. २ करोडको कारोबार भएकोमा यस वर्ष बजार पाउन सके रु. ३ करोड बराबरको बन्दा बजार पठाउने तयारी थियो।