हिमालय एयरलाइन्सका कर्मचारीद्वारा बाढीपीडितका लागि संकलित रकम हस्तान्तरण

काठमाडौं । हिमालय एयरलाइन्सका कर्मचारीहरूले रसुवाको भोटेकोशी क्षेत्रमा आएको बाढीबाट प्रभावित नेपाली नागरिकको सहयोगका लागि स्वेच्छिक रूपमा संकलन गरेको रकम प्रधानमन्त्री दैवी प्रकोप उद्धार कोषमा जम्मा गर्न हस्तान्तरण गरिएको छ।

कर्मचारीहरूले संकलन गरेको रकम हिमालय एयरलाइन्सका प्रशासनतर्फका उपाध्यक्ष विजय श्रेष्ठले संस्कृति, पर्यटन तथा नागरिक उड्डयनमन्त्री खडकराज पौडेल (गणेश) लाई हस्तान्तरण गरेका हुन्।