युक्रेन शिखर सम्मेलन : भारत र साउदी अरबसहित सात देशले अस्वीकार गरे, यसको पछाडिको कारण के ?

स्विट्जरल्याण्डमा युक्रेनमा भएको शान्ति सम्मेलनपछि जुन १६ मा संयुक्त विज्ञप्ति जारी भयो तर भारतले त्यसलाई मानेन र आफूलाई टाढा बनायाे।

स्विट्जरल्याण्डमा भएको शान्ति सम्मेलनको संयुक्त वक्तव्यमा सहमति नदिने सात देशमध्ये भारत पनि परेको छ । युक्रेन र रुसबीचको युद्धका सन्दर्भमा स्वीट्जरल्याण्डमा दुईदिने शान्ति सम्मेलन आयोजना गरिएको छ । सम्मेलनको अन्तिम दिन आधिकारिक विज्ञप्ति जारी गर्दा युक्रेनको क्षेत्रीय अखण्डताको रक्षा गर्ने कुरा गरिएको थियो। 80 भन्दा बढी देशहरूले यो वक्तव्यमा हस्ताक्षर गरेका छन्।