बेपत्ताको मृत्यु दर्ता कहिले ? सरकारी निर्णय कुरिरहेछन् परिवार  

१ असोज, काठमाडौं । भोटेकोसी बाढीमा आफन्त बेपत्ता भएका परिवार यतिबेला तेहेरो सकस बेहोरिरहेका छन् । आफन्त गुमाउनुको पीडा त छँदैछ । घरजग्गादेखि व्यवसाय पनि बगाएको छ । साथै, प्रियजनको शव पनि भेटिएको छैन ।

त्यसपछि पूरा गर्नुपर्ने कानुनी प्रक्रियाले झन् अन्योल थपिएको छ। धार्मिक संस्कारअनुसार कुशको शव बनाएर अन्त्येष्टि गरिसकेका परिवारले कानुनी रूपमा मृत्यु प्रमाणित गर्न लम्बेतान कानुनी झन्झटले अरू सास्ती थपिरहेको छ ।