वैकल्पिक व्यवस्थाविना फलफूल बजारमा डोजर चलाइएको भन्दै व्यवसायी आक्रोशित

जनकपुर । जनकपुरधाम उपमहानगरपालिका वडा नं. ७ स्थित जिरो माइलमा रहेको फलफूल बजार खाली गराउने क्रममा व्यवसायीहरूले असन्तुष्टि जनाएका छन्। उच्च अदालत जनकपुरले बजार खाली गराउन आदेश दिएपछि उपमहानगरपालिकाको सहयोगमा संरचनाहरू हटाइएको हो।

व्यवसायीहरूले अदालतको आदेशलाई सम्मान गर्दै बजार खाली गर्न आफूहरू तयार रहे पनि उपमहानगरपालिकाले पर्याप्त समय र वैकल्पिक व्यवस्था नगरेको गुनासो गरेका छन्।