साउदीले गुहारेपछि हुथीलाई रोक्न इरानलाई चीनले दियो दबाब

रेड सीको तटीय क्षेत्र र बाब अल–मन्देब जलमार्गमाथि आफ्नो सैन्य गतिविधि विस्तार गरेको यमनका हुथी विद्रोहीलाई रोक्न चीनले इरानलाई दबाब दिएको छ।

हुथीको गतिविधि रोक्न साउदी अरबले चीनलाई आग्रह गरेपछि बेइजिङले इरानमाथि दबाब दिएको अन्तर्राष्ट्रिय समाचार संस्था रोयटर्सले तीन इरानी स्रोतलाई उद्धृत गर्दै समाचार लेखेको छ। इरानले यमनमा हुथीलाई पैसा र हतियार दिएर आफ्नो गतिविधि सञ्चालन गराउँदै आएको छ।