गणेशमानका आदर्शलाई आत्मसात् गर्दै कांग्रेसलाई अझ सशक्त र लोकतान्त्रिक बनाउने संकल्प गरौँ : गगन

नेपाली कांग्रेसका सभापति गगन थापाले पार्टीको १५औँ महाधिवेशन नेतृत्व चयन गर्ने अवसर मात्रै नभई अग्रज नेताहरूले देखाएको त्याग, साहस, निष्ठा र लोकतान्त्रिक आदर्शलाई संगठन र व्यवहारमा पुनः स्थापित गर्ने अवसर भएको बताएका छन्।

लौहपुरुष गणेशमान सिंहको २९औँ स्मृति दिवसका अवसरमा श्रद्धाञ्जली व्यक्त गर्दै थापाले यस्तो बताएका हुन्। उनले समय र चुनौती बदलिएको भए पनि लोकतन्त्रप्रतिको निष्ठा, जनताप्रतिको उत्तरदायित्व र कठिन समयमा सही पक्षमा उभिने साहसको आवश्यकता झनै बढेको बताए।