एनपीएलमा विदेशी स्टारको आगमन : नेपाली क्रिकेटका लागि ठूलो अवसर

नेपाल प्रिमियर लिग (एनपीएल) को तेस्रो संस्करण सुरु हुन अझै केही समय बाँकी छ। तर प्रतियोगिताको चर्चा भने अहिले नै चुलिएको छ। यसको मुख्य कारण मैदानमा उत्रिने नेपाली खेलाडी मात्र होइनन्, विश्व क्रिकेटमा लामो समय प्रभाव जमाएका विदेशी खेलाडीको आगमन पनि हो।

एनपीएलको तेस्रो संस्करणका लागि फ्रेन्चाइज टोलीहरूले यसपटक अन्तर्राष्ट्रिय क्रिकेटमा स्थापित खेलाडीलाई भित्र्याउने क्रमलाई थप आक्रामक बनाएका छन्। अस्ट्रेलियाका डेविड वार्नरदेखि बंगलादेशका शाकिब अल हसन, जिम्बाब्वेका सिकन्दर रजा, न्युजिल्यान्डका जिमी निशम, श्रीलंकाका चरिथ असलंका तथा भारतका केएस भरतसम्मका खेलाडी एनपीएलसँग जोडिएका छन्। इंग्ल्यान्डका सैफ अली जैब, न्युजिल्यान्डका स्कट कुगेलेइन, श्रीलंकाका निरोशन डिकवेला र अमेरिकी अलराउन्डर हरमीत सिंह पनि विभिन्न टोलीमा आबद्ध भएका छन्।