मन्त्री महावीर पुनले म्याग्दीको सडक पिच हुन पाँच वर्ष लाग्छ भनेपछि…

काठमाडौँ । केही दिनअघि मुस्ताङ जाने क्रममा म्याग्दीको सडकको दयनीय अवस्था देखेपछि वरिष्ठ पत्रकार तथा स्वतन्त्र नागरिक अभियान नेपालका संयोजक ऋषि धमलाले विज्ञान, प्रविधि तथा नवप्रवर्तनमन्त्री महावीर पुनलाई ज्ञापनपत्र बुझाएका छन् ।

बिहिवार मन्त्रालयमै पुगेर धमला नेतृत्वको अभियान टिमले म्याग्दीको बेनी–जोमसोम–कोरला सडकखण्डको दीर्घकालीन स्तरोन्नति, पहिरो नियन्त्रण तथा सुरक्षित आवागमनको व्यवस्था गर्न माग गर्दै ज्ञापनपत्र बुझाएका हुन् ।