सगरमाथा आरोहण गरेका सांसद शेर्पालाई सभामुखले गरे सम्मान

काठमाडौँ। सभामुख डोलप्रसाद अर्यालले विश्वको सर्वोच्च शिखर सगरमाथाको सफल आरोहण गरेका प्रतिनिधिसभाका सदस्य मिङ्गा ग्याबु शेर्पालाई सम्मान गरेका छन्।

सिंहदरबारस्थित सङ्घीय संसद् सचिवालयमा मङ्गलवार आयोजित कार्यक्रममा शेर्पालाई राष्ट्रिय सभाका सम्माननीय अध्यक्ष नारायणप्रसाद दाहालले समेत सम्मान तथा बधाई व्यक्त गरे।

शेर्पाले जेठ १३ गते बिहान ५:४० बजे सङ्घीय संसद्को झण्डासहित सगरमाथाको सफल आरोहण गरेका थिए । उनी सगरमाथा आरोहण गर्ने पहिलो बहालवाला सङ्घीय सांसद हुन् । यो उनको सगरमाथाको दशौँ सफल आरोहणसमेत हो।