ब्राजिललाई जिताउन सीआईएले इंग्ल्याण्डका गोलरक्षकलाई विष दिएको थियो ?

मेक्सिकोको ग्वाडालाहारा हिल्टनको कोठा नम्बर १२०८, ११ जुन १९७०। यो कोठा इंग्ल्याण्ड विश्वकप टोलीका तीन सदस्य: बबी चार्लटन, किथ न्युटन र गोलरक्षक गोर्डन ब्याङ्क्सले साझा गरेका थिए।

दिनको अन्त्यतिर, उनीहरू र अन्य केही खेलाडीहरू चेकोस्लोभाकियाविरुद्धको अन्तिम समूह खेलमा इंग्ल्याण्डको जितको उत्सव मनाउन ‘ड्रिंक्स’ लिइरहेका थिए। तीन दिनपछि, ब्याङ्क्स बिरामी परे, जसको परिणाम इंग्ल्याण्डका लागि विनाशकारी भयो।