बाढीपहिरोको असर मुक्तिनाथको तीर्थयात्रामा

विनाशकारी भोटेकोशी तथा त्रिशूली नदीमा आएको बाढीको असर मुस्ताङको वारागुङ मुक्तिक्षेत्र गाउँपालिका–१ मा अवस्थित पवित्र तीर्थस्थल मुक्तिनाथ मन्दिरमा तीर्थयात्रुको आगमनमा परेको छ।

गत भदौ १० गते भोटेकोशीमा आएको बाढी र कृष्णभीरको पहिरोका कारण मुक्तिनाथमा तीर्थयात्रुको आगमन ह्वात्तै घटेको हो। बेनी–जोमसोम सडकखण्ड तथा हवाई मार्ग हुँदै आउने भारतीय तीर्थयात्रुसहित नेपाली तीर्थयात्रुको चाप पनि घटेको मन्दिर व्यवस्थापन समितिका कर्मचारी दिनेश भुसालले बताउनुभयो।