डिभिलियर्स र गेललाई पछि पार्दै साहिल बने सर्वाधिक छिटो शतक हान्ने खेलाडी

४ असार, काठमाडौं – इस्टोनियाका ब्याटर साहिल चौहान अन्तर्राष्ट्रिय क्रिकेटमा सर्वाधिक छिटो शतक हान्ने खेलाडी बनेका छन् । उनले इस्टोनियाबाट साइप्रसविरुद्ध दोस्रो टी-२० आईमा २७ बलमा शतक हान्दै दुई दुर्लभ विश्व कीर्तिमान बनाएका छन् ।

६ खेलको सिरिज अन्तर्गत दोस्रो खेलमा १९२ रनको लक्ष्य पछ्याएको इस्टोनियाले १३ ओभरमा ४ विकेट गुमाउँदै पूरा गर्यो । साहिल चौहान ४१ बलमा ६ चौका र १८ छक्कासहित सर्वाधिक १४४ रनमा नट आउट रहे ।