गणेशमानको स्मरण गर्दे गगनले भने- अग्रजले देखाएको लोकतान्त्रिक आदर्श व्यवहारमा उतारौं

काठमाडौं । नेपाली कांग्रेसका सभापति गगनकुमार थापाले लौहपुरुष गणेशमान सिंहको २९औँ स्मृति दिवसका अवसरमा श्रद्धासुमन व्यक्त गर्दै उनका त्याग, साहस, निष्ठा र लोकतान्त्रिक आदर्शलाई पार्टीको संगठन र व्यवहारमा पुनःस्थापित गर्नुपर्ने बताएका छन्।

शुक्रबार सामाजिक सञ्जालमार्फत श्रद्धाञ्जली व्यक्त गर्दै सभापति थापाले यस्तो बताएका हुन् । उनले कांग्रेस १५औँ महाधिवेशनको संघारमा रहेको उल्लेख गर्दै महाधिवेशनलाई नेतृत्व चयन गर्ने माध्यम मात्र नबनाई गणेशमानजस्ता अग्रजहरूले देखाएको बाटो आत्मसात् गर्ने अवसरका रूपमा लिन आग्रह गरेका छन्।