टंकलाई सन्तोषको प्रश्न : 'सडकबाट उठाएर हिरो बनाएँ' भनेर जिन्दगीभर पुग्ने भारी किन बोकाउनुहुन्छ?

चलचित्र निर्माता सन्तोष सेनले संगीतकार टंक बुढाथोकीलाई कलाकार अशोक दर्जीलाई सडकबाट उठाएर हिरो बनाएको विषयलाई बारम्बार उल्लेख नगर्न आग्रह गरेका छन्।

सामाजिक सञ्जालमार्फत सेनले अशोक दर्जी सडकमा आफ्नो कला प्रस्तुत गरेर जीविका चलाइरहेको अवस्थामा बुढाथोकीले उनको प्रतिभा पहिचान गरी साथ दिएको बताएका छन्। तर साथ दिएको विषयलाई जीवनभरको उपकार वा ऋणका रूपमा प्रस्तुत गर्न नहुने उनको भनाइ छ।