युरोपमा नेपाली श्रमिक संस्थागत रूपमै पठाउने सरकारको तयारी

काठमाडौँ । सरकारले युरोपका विभिन्न देशहरूमा नेपाली श्रमिक पठाउने प्रक्रियालाई संस्थागत रूपमा खुला गर्ने तयारी अघि बढाएको छ। व्यक्तिगत रूपमा वैदेशिक रोजगारीमा जाँदा नेपाली श्रमिकहरू ठगिने क्रम बढेकाले यसलाई व्यवस्थित र सुरक्षित बनाउन सरकारले संस्थागत रूपमै वैदेशिक रोजगारी खोल्ने तयारी गरेको हो।

युवा, श्रम तथा रोजगारमन्त्री रामजी यादवका अनुसार यस प्रक्रियालाई निष्कर्षमा पुर्‍याउन युवा, श्रम तथा रोजगार मन्त्रालयले परराष्ट्र मन्त्रालयसँग आवश्यक समन्वय गरिरहेको छ। यद्यपि, परराष्ट्र मन्त्रालयले मागपत्र प्रमाणीकरण नगरिदिएमा युरोपका देशहरूमा श्रम मन्त्रालयकै उपस्थिति रहने गरी आवश्यक कदम चाल्ने विकल्पमा समेत गृहकार्य भइरहेको छ।