श्रमिकमैत्री कदम : पुन: श्रम स्वीकृति अब पूर्ण रूपमा डिजिटल

काठमाडौं । नेपाल सरकारले वैदेशिक रोजगारी प्रक्रियालाई अझ सुरक्षित, छरितो र पारदर्शी बनाउने उद्देश्यसहित पुन: श्रम स्वीकृति (Re-entry Labor Permit) प्रणालीलाई पूर्ण रूपमा स्वचालित (fully automated) बनाएको छ । यससँगै अब योग्य श्रमिकहरूले अनलाइन प्रणालीमार्फत मानव हस्तक्षेप बिना नै पुन: श्रम स्वीकृति प्राप्त गर्न सक्ने व्यवस्था लागू भएको छ ।

सरकारले मन्त्रिपरिषद्बाट स्वीकृत शासकीय सुधारसम्बन्धी १०० बुँदे कार्यसूची र युवा, श्रम तथा रोजगार मन्त्रालयको १० बुँदे कार्ययोजना अन्तर्गत यो नयाँ प्रणाली कार्यान्वयनमा ल्याएको हो । यो व्यवस्था वैदेशिक रोजगार सूचना व्यवस्थापन प्रणाली (FEIMS) मार्फत सञ्चालन हुनेछ ।