प्रेम सम्बन्धको संकेतबीच रमा तिवारीको मृत्यु, परिवारले उठायो हत्याको आशंका

झापा- पाँच दिन अघि रतुवा खोलाको पुल मुनि शव भेटिएकी दमक-८ की रोमा भनिने २१ बर्षीया रमा तिवारीको मृत्यु प्रकरण सत्य तथ्य अझै सार्वजनिक हुन सकेको छैन ।

जेठ १३ को राती करीब साढे ९ बजे घरबाहिर निस्किएकी रोमाको शव जेठ १५ मा फेला परे पनि सोमवार जेठ १८ मा मात्रै परिवारले दफन (अन्त्येष्टी) गरेका छन् । तिवारी परिवार इसाई धर्मावलम्बी भएका कारण इसाई परम्परा अनुसारनै सोमवार साँझ दमकको उत्तरी क्षेत्र बेलडाँगीमा उनको अन्त्येष्टी गरियो ।