मानव भीडमा पिकअप चलाएर १० जनाको हत्या गर्नेको परिचय खुल्यो, अतिवादी समूहसँग कनेक्सन

काठमाडौं । अमेरिकाको न्यू अर्लिन्समा नयाँ वर्षको बिहानै मानव भीडमा जानाजान पिकअप ट्रक चलाएर नरसंहार मच्चाउने संदिग्धको पहिचान खुलेको छ । मानव भीडमा पिकप ट्रक चलाएर नरसंहार मच्चाउने टेक्सासका ४२ वर्षीय अमेरिकी आगरिक शमसूद–दीन जब्बार रहेको बताइएको छ ।

उनले निकै भीडभाडको अवस्थामा तीब्र गतिमा पिकअप ट्रक चलाउँदा १० जनाको मृत्यु भएको छ भने ३५ जना घाइते भए । एफबीआईले आक्रमणमा प्रयोग गरिएको गाडीमा इस्लामिक स्टेट समूहको झण्डा भेटिएको र घटनाको जाँच आतंकवादी क्रियाकलापको रुपमा गरिरहेको जनाएको छ ।