सावधान ! अनलाइन ठगीमा पर्नुहोला

काठमाडौँ । सामाजिक सञ्जालका विभिन्न माध्यमबाट ठगी गर्ने क्रम बढेपछि प्रहरीले सर्वसाधारणलाई सतर्क रहन आग्रह गरेको छ । सामाजिक सञ्जाल र अनलाइनको प्रयोग गर्दै अनेक बहानामा ठगी गर्ने काम बढेपछि प्रहरीले सूचना जारी गर्दै सतर्क रहन भनेको हो ।

अनलाइन र सामाजिक सञ्जालमा ठग्ने मनसायले विज्ञापन गर्ने अनि अनेक सुविधा दिने भन्दै ठगीका घटना बढिरहेका छन् । नेपाल प्रहरीको साइबर ब्युरोले सूचना जारी गर्दै गिफ्ट प्याकेज दिनेदेखि अनलाइनमा कोठा भाडामा खोजिदिने भनेर ठगी कार्य भइरहेको जनाएको छ ।