अस्पतालमा निःशुल्क उपचार सेवा जानकारी दिन ‘फ्री हेल्थ पोर्टल’ सञ्चालन

काठमाडौँ- सरकारले विपन्न, असहाय तथा बेवारिसे बिरामीलाई अस्पतालमा उपलब्ध निःशुल्क उपचार सेवाबारे सहज जानकारी दिन ‘फ्री हेल्थ पोर्टल’ सञ्चालनमा ल्याएको छ।

नेपालको संविधानको धारा ३५ ले प्रत्येक नागरिकलाई आधारभूत स्वास्थ्य सेवा निःशुल्क प्राप्त गर्ने तथा स्वास्थ्य सेवामा समान पहुँचको हक सुनिश्चित गरेको छ। साथै स्वास्थ्य संस्था सञ्चालन मापदण्ड-२०७७ को दफा ७०(घ) अनुसार अस्पतालहरूले कुल शय्याको १० प्रतिशत बेड विपन्न, असहाय र बेवारिसे बिरामीका लागि छुट्याई निःशुल्क उपचार सेवा उपलब्ध गराउनुपर्ने व्यवस्था छ।